අලුත් අමුත්තා - Sinhala Poem by Pramodi Peramuna

අලුත් අමුත්තා - Sinhala Poem

(ඡායාරූපය උපුටා ගැනීම අන්තර්ජාලයෙනි.)

මමයි ගෙදර රජා කියා
මෙතෙක් කලක් සිතුවේ මම
නිදහසෙ මුළු ගෙදර පුරා
නැටුවේ සතුටින් දුව පැන..

අපෙ හුරතල් බෝල ගෙඩිය
ගෙදර සැවොම කීවේ මට
ඒ සැමගෙම ආදරයට
හුරතල් වී හැදුණේ මම..

අලුත් අමුත්තෙක් එනවලු
අම්මගෙ තුරුලට ළඟදිම
මේ ලොකු බණ්ඩිය ඇතුළෙලු
අනේ එයා ඉන්නෙ තාම..

බයක් දැනෙනවා දැන් දැන්
මගේ පුංචි හිත ඇතුළට
අමුත්තා ආ පසු සැමටම
අමතක වේවිද මෙමාව..

Poem by Pramodi Permuna 💜️

තවත් මෙවැනි කවි නිසඳැස් කියවන්න මෙතන click කරන්න

☁ පියාසරන සිතුවිලි - Flying Thoughts ☁